Queer Pride Drježdźany wojuje wo to, zo móža wšitcy ludźo wěsće a swobodnje žiwi być. Stejimy zhromadnje přećiwo prawicarskim a čłowjekej napřećo nastajenjam. Dopokazujemy sebi a swětej, zo budźemy přichod wuhotować. Přewinjemy wuskomyslne předstawy, kak dyrbja poćahi abo seksualita „być“ a kak maja ludźo „być“.
Chcemy bjezklasowu towaršnosć. Jenož hdyž myslimy zwonka twjerdych a knježich normow, móžemy so swobodnje wuwiwać. Hdyž so wot zwužitkowanskeje logiki a myslenja łochćow wuswobodźimy, wuswobodźimy so mjez sobu.
W tutych časach je prěke a antifašistiske splećenje wažniše hač hdy prjedy. Nas wot so dźělić, so přećiwo sebi wuhrawać, sam sebje a słabje čuć dać – to je dokładnje, štož prawi čłowjekojo njepřećeljo chcedźa. Přez murje socialneho wumjezowanja a hrjebje pačaceje hidy twarimy mosty z něžnosće a zwjazanosće. Wutworimy community, kotraž čłowječu mnohotnosć zapřija a zakituje. Dźělimy wědu, wuknjemy jedyn wot druheho, zjednoćimy so hromadźe.
Zhromadnje staramy so wo to, zo nichtó sam njewostanje. Zhromadnje žadamy sej prawo na dobre a samopostajene žiwjenje za wšitkich. Zhromadnje stejimy za to, zo je prěke žiwjenje wšudźe widźomne a wěste.
Naša zwjazanosć da nam móc. Naša wěda, zo móžemy so na so spušćeć, dawa nam zmužitosć. Naša solidariska praksa – to je naša najsylniša bróń.
Přinjesemy zwjazanosć, wědu, solidaritu na dróhi – na 21.6. pola Pride w Drježdźanach a cyłe lěćo dołho wšudźe w Sakskej!
Wostanjemy prěki, wostanjemy zwjazani, wostanjemy antifašistiscy!